الاثنين، سبتمبر 04، 2006

تاج الملوك من الناس اللي بيحبوك


أخ زنقتني سحر الغالية بنت عمي الغالي وأنا محتاسه في تجهيز شنطة سفر ماما علشان بكرة هتسافر تعمل عمره ،وتجهيز شنطتي علشان بكرة هسافر مطروح أعمل ريفرش لحياتي!
بس يلا في السريع هجاوب وربنا يستر وانجح !!
انت عارفه ياسحر لو دبلرت ولا في ملاحق ولا حاجة مش تتصلي بيا وتدهملي وش كده
لأ حبه حبه ملحق واحد: محمد بيسلم عليكي !،ملحقين: محمدين بيصبح! !
وقعت خالص :أمة محمد بتدحرج المسا!
يلا يا هادي...

هل انت مستكيف من مدونتك شكلا وموضوعا ؟
أة يعني بس نفسي انها تكون شكلا أحسن يعني في مدونات بستكيف قوي وأنا بقرأها وبرتاح لشكلها زي مدونة مع نفسي ومدونة صباحك سمباتيك.

هل تعلم أسرتك الصغيرة بأمر مدونتك؟
أة طبعا ، خصوصا ان أسرتي صغيرة بزيادة هي ماما بس!

هل بتتكسف تقول لاصدقائك عن مدونتك؟
أبداً وهتكسف من أية !

هل شقلبت المدونات حياتك للاحسن ،أديني مثال ؟
الصراحة هي من جهة شقلبت حياتي فهي شقلبت ..فاتورة النت بقت نار بعيد عنكم!

هل تكتفى بفتح صفحات من يعقبون بردود فى مدونتك ؟ ولا مقضيها وسارح سواح في مدونات خلق الله؟
طبعا سواح يا خونا بقولكم الفاتورة نار !

ماذايعنى لك عداد المتطفلين.. هل تهتم بوضعه فى مدونتك؟
اة طبعا بيهمني العداد ده أحب اعرف مين زارني كل يوم والبلوجر كيبر شربتهم حاجة ولا لأ

هل حاولت تخيل شكل اصدقائك المدونين؟
لأ .. وعلي أية الطيب احسن
بس في ناس منهم أعرفهم شخصيا
وفي ناس فعلا أتخيلتهم يعني مثلا مها صاحبة مدونة مريلة كحلي حاسه انها بنوتة رقيقه قوي ..بسكوته
ومن زمان متصوره شكله زي صورته اللي في البروفيل
.
هل تشعر ان مجتمع التدوين مجتمع منفصل عن العالم المحيط بك ام متفاعل مع احداثه؟
لا متفاعل قوي ..أصحي للون ده احنا عيال مدقده قوي!

هل ترى فائدة حقيقة للتدوين؟
أة مفيد وصحي وخفيف علي المعده وبيساعد علي الهضم!

هل يزعجك وجود نقد بمدونتك؟ ام تشعر انه ظاهرة صحية؟
لأ خالص أنا ديمقراطية في بلد ديمقراطي!

هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
أحنا بالصلاتو علي النبي ما بنخفش لا من أنسي ولا جني ، ما بخفش غير من اللي خلقني

هل فكرت فى مصير مدونتك فى حال وفاتك؟
لأ الصراحة ، بس أكيد هتموت هي كمان

آخر سؤال: تحب تسمع ايه؟
أحب اسمع أغنية أنا لحبيبي وحبيبي ألي .. لفيروز

اكتب اسماء خمسة مدونين ليقوموا بهذا الاستقصاء بعدك
محمد هشام ..صاحب مدونة
من نِفسي
مها ...صاحبة مدونة مريلة كحلي.
متكاظي ..صاحب مدونة أحنا بنعيش علشان نتكاظي
كازانوفا..مفتش الصحة اللي لسة عارفاه النهاردة
سحر..صاحبة مدونة
أم أحمد ! عقاباً ليها تحله كمان مرة

15 Comments:

At الثلاثاء, سبتمبر 05, 2006 12:20:00 م, Blogger الغـــــــــــــريب said...

جميل يا قمر الردود
عمره مقبوله أنشالله
وصيفى واتبسطى
تحياتى

 
At الثلاثاء, سبتمبر 05, 2006 3:11:00 م, Anonymous غير معرف said...

انت عسلللللللللللللللللللللل

 
At الثلاثاء, سبتمبر 05, 2006 10:13:00 م, Blogger sahar said...

قال اعمله تاني قال ده انا حليته بالعافية

 
At الثلاثاء, سبتمبر 05, 2006 10:30:00 م, Blogger sahar said...

بس بجد تاج الملوك فعلاً من الناس اللي بيحبوك اوي

 
At الأربعاء, سبتمبر 06, 2006 10:14:00 ص, Blogger sydalany-وش مكرمش said...

يااااااااااااه
كل ما أدخل مدونة مش فاكر إني دخلتها قبل كده ألقى التاج ده
وكأنه فيوس أصاب المدونات كلها

آآآ آآآآ أأأتشو

 
At الخميس, سبتمبر 07, 2006 10:00:00 م, Blogger مـحـمـد مـفـيـد said...

اسلوبك رائع

 
At الجمعة, سبتمبر 08, 2006 5:35:00 ص, Blogger wa3d el3yoon said...

بجد عسوله أجاباتك جميله

 
At الجمعة, سبتمبر 08, 2006 6:41:00 م, Blogger كازانوفا said...

الله يسامحك يا بت حرام عليكى هتبقى انتى وسوسة عليا يعنى هههههههههههه

 
At الثلاثاء, سبتمبر 12, 2006 10:28:00 م, Blogger blady said...

دعاء تعالى اسمعى سناء وؤولى لكل اصحابك
بلادى

 
At الخميس, سبتمبر 14, 2006 2:46:00 م, Blogger مفلس افندى الرايق said...

مدونون اما مناضلون

الناس يتسألون

هل لنا تأثير

اما اننا عالم مجنون

لا اصحى وفوق للون

احنا معشر المدونون

بنعصر افكارنا زى اللمون

ولا هو جهل ولا جنون

احنا اصحاب فكر

وبنقول كلام ف الجوووون

 
At الخميس, سبتمبر 14, 2006 9:04:00 م, Blogger دعاء غريب said...

عودنا سالمين من مطروح ، غانمين عريس غفله ، وها أنا أكتب ردي علي تعليقاتكم
ــــــــــــــــ
الغريب:
ميرسي علي ذوقك
وربنا يتقبل من ماما وكل المسلمين
من جهة المصيف كان مش ولا بد طلعت منه بعريس ياماي ..طوخه وخلصني منه يابوي!
ــــــــــــــــــــ
اللهو الخفي اللي الانينموس:
الله يخليك بس كده المدونة بقت ملزقه قوي!
ـــــــــــــــــــ
سحر غريب:
الغاليه .. حبيبتشي ..روخي
هتحليه تاني ياماما
هو لعب عيال
ده تاج الملوك من الناس اللي بيخبوك
ــــــــــــــــــ
وش مكرمش:
أية يابني الزهايمر اللي عندك ده
كان بدري عليك ..عليك بدري
كل ما بتدخل مدونة مش فاكر انك دخلتها !
لأ حالتك متأخرة قوي
وخدلك فلورست للبرد اللي عندك ده لتعدينا

آآآآآآتشوووووووو
ـــــــــــــــــ

 
At الخميس, سبتمبر 14, 2006 9:06:00 م, Blogger دعاء غريب said...

محمد مفيد:
يافندم انت منورني
ــــــــــــــــ
wa3d el3yoon:

لأبجد حسه أن المدونة وقعت في بلاص عسل سيرقوصي
(مش عارفه سيرقوصي مكتوبه كده صح ولا أية)
ــــــــــــــــ
كازانوفا:
يافندم أنا وسوسه ومستعده أقوم كل البلوجيه عليك!
ــــــــــــــــ
blady :
أنا جاي وغلاوتك جي
بس المشكلة اني ديل أب
:(
ــــــــــــــــ

 
At الخميس, سبتمبر 14, 2006 9:07:00 م, Blogger دعاء غريب said...

مفلس افندى الرايق :

خليهم يفتكرونا عالم مجنون
ويتفاجأوا لما نغير الكون
ونشيل السواد ونخليه ميت لون
ما زمان قالوا علي أفلاطون
مجنون
ياعم سيبك منهم
وتعالي اشرب لك كاس لمون

 
At الاثنين, سبتمبر 18, 2006 12:29:00 م, Blogger أُكتب بالرصاص said...

احييك على اجاباتك

وشكل المدونة حل
بس محتاجة شوية تفنينات

 
At الخميس, نوفمبر 02, 2006 5:47:00 م, Anonymous غير معرف said...

Warm welcome to Alnemat TheGrace Arabic Christian Internet Magazine, We love you! Please visit us at:

http://www.TheGrace.net

http://www.TheGrace.org
http://www.TheGrace.com
نتمنى لكم الفرح والسلام والمحبة لأن السلام افضل من الحرب والمحبة افضل من الكراهية كما ان النور أفضل من الظلمة
سلام لكم في محبة الله.نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات
Bible Read search in Arabic Studys Stories Testimonies Hymns and Poems Answers Books Links Daily devotions Acappella Music Graphics /Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L'Evangile de Jésus Christ gratuit, Bienvenue a La Grâce.
Arabic Christian Magazine The Grace offering the Arabic Bible النعمة تقدم الإنجيل الكتاب المقدس

 

إرسال تعليق

Links to this post:

إنشاء رابط

<< Home

الحسابة بتحسب! Free Web Counter
كيف تنشىء مدونة تدوين .. عالم المدونات كلام مش بفلوس!