الثلاثاء، سبتمبر 19، 2006

تاج كمان


معلش ياسحر إتأخرت في الرد علي التاج علي أمل تحسن في حالتي النفسية بس يظهر الحال هيطول وبيطور من سيئ لأسوء الحمد لله علي كل حال و هجاوب التاج واستحملوا تقل دمي

هل انت عقلانى اكثر ام عاطفى؟
عقلانية في تفكيري وعاطفية في أفعالي

صف شخصيتك فى خمس كلمات؟
حساسة . محبه للمغامرة.متسرعة. صبورة .مش بعرف انسي الاساءة

اذا كان لكل انسان شبيه من الحيوانات,أى حيوان يشبهك؟
الجمل في تحمله وصبره . وبيعجبني قوي الشجن في نظرة عنيه واعتزاره بنفسه

ما هو لونك المفضل؟
في اللبس بحب الاسود والبني بدرجاته .وفي الطبيعة بحب الازرق بيريح عيني ونفسيتي

هل أنت أجتماعى اكثر ام منعزل؟
علي حسب حالتي النفسية وعلي حسب الناس اللي بتكلم معاها وارتياحي لها
بفضل الانعزال لما أكون متضايقه وساعات لما بكون مبسوطة أقعد مع نفسي واحتفل بلحظات السعادة المختلسه

ماذا يشكل أصدقائك بالنسبه لك؟
اصدقائي أنواع منهم اللي بحس اني مقدرش أستغني عنهم لاخر عمري
وفي صداقات ببقي عارفه انها صداقة مؤقته زي صداقات الجامعة والرحلات

هل أنت مرتبط بعائلتك؟
اة الحمد لله وخصوصا أمي ربنا يخليها

هل أنت عصبى أكثر أم هادئ؟
هادئة في الظاهر واخفي بركان في الداخل

هل تفضل فصل الشتاء أم الصيف؟
الشتاء وخصوصا في شهر ديسمبر ويناير ..وبتمني اتمشي تحت المطرمع الانسان اللي بحبه

متى أخر مره بكيت فيها؟ولماذا؟
من عشر دقايق ..ومش هينفع أقول السبب

أطلب من الآتي اسمائهم حل التاج
رنا صاحبة مدونة
امبارح كان عمري عشرين
مها صاحبة مدونة
مريلة كحلي
الفنان مجدي سرحان صاحب مدونة براح
متكاظي صاحب مدونة
أحنا بنعيش علشان نتكاظي
مفلس أفندي صاحب
مدونة عربي منه فيه

16 Comments:

At الثلاثاء, سبتمبر 19, 2006 6:20:00 م, Blogger أجدع واحد في الشارع said...

بجد انتى تستهلى احسن تاج
تاج جميل اوووووووووووى
انا مش عارف ارد اقول ايه
بس بجد انا اعت كتير اوى

 
At الأربعاء, سبتمبر 20, 2006 12:29:00 ص, Blogger مجدى سرحان said...

حبيبة ألبى
دعـــــــــــــــــاء
بنتى
...
بتعيطى؟
هفكرك
هتفرحى

ياما ف امبارح امبارح
ف امبارح البعيد
حاجات كتير بكتنا

بصى عليها كده
هتدحكى
دايما ف بكره
شمس بكر
لا شافتها عين
ولا دفاها مر بألب
هتطلع يا دعاء

دايما ف بكره بنتولد
صافيين
ف كل لحظه
بنتولد

تبصى ادامك
مش وراك
وتأكدى ان فيه اكيد بكره
شايل معاه فرح
جميل
شبهك
.....
محبتى م الألب
لأصفى البنات
بنتى

 
At الأربعاء, سبتمبر 20, 2006 12:50:00 ص, Blogger مفلس افندى الرايق said...

ازيك يا دعاء

تعرفى انتى تستاهلى تاج القلوب الطيبه ومكانك تكونى اميره متوجه على عرش الحب وكل الحواس والمشاعر والاحاسيس خدم حواليكى بينفذوا طلبات قلبك الرقيق

وكمان لازم دقات قلبك تكون توقيت فى عالم العشق وانا عن نفسى هالبس ساعه نوعها دعاء يابانى اصلى ما بتبطلش حب
اما عن البكى والدموع

لا يا دعاء ما تطفيش الشموع

وخلى قلبك ديما قايد للحب

وانسى اللى عدى من الجراح

وبلاش الرجوع

 
At الأربعاء, سبتمبر 20, 2006 12:52:00 ص, Blogger مفلس افندى الرايق said...

انا سعيد جدا وانا فى مدونتك الظاهر انى هابقى زبون دايم بس الخوف لاطمع ف المكان واطلب ابقى من سكانه وشويه شويه ابقى عاوز اخد شقه فيه اصل هنا الهوا بحرى والنسيم مالى المكان وكانى فى اجمل وارق بستان


كل سنه وانتى طيبه

 
At الأربعاء, سبتمبر 20, 2006 1:07:00 ص, Blogger دعاء غريب said...

ياجماعة انا مش عارفة اقولكم أية
بس انا والله العظيم فرحانة بيكم قوي
ولأول مرة احس اني مش لوحدي
نفسي اتكلم واصرخ واحكي واشيل من قلبي كل الحزن نفسي افرح مرة فرحه مكتملة
نفسي أضحك بعزم ما فيه
مش عارفة الحزن بقي كريم قوي معايا

أجدع واحد في الشارع :
انت اجدع أخ بجد

ـــــــــــــــــــــــــ
بابا مجدي سرحان :

أدعيلي بجد تعبت

ـــــــــــــــــــــــ
مفلس أفندي الرايق :

ربنا يخليك ويسعدك
ده كتير عليه قوي الكلام الحلو ده

 
At الأربعاء, سبتمبر 20, 2006 3:29:00 ص, Blogger sahar said...

دودو حبيبتي مافيش حد او حاجة تستاهل دمعة غاليةمن عينيكي وان شالله اللي يزعلك يعيط هو ومايلاقيش حد يقوله ماتعيطش

 
At الأربعاء, سبتمبر 20, 2006 6:45:00 ص, Blogger الســـاحر said...

عجبنى اوى انك حاله وسط وعقلانيه ساعات وعاطفيه
انسانه شامله يعنى انا سعيد انى بعلق على موضوعك
وربنا يوفقك

 
At الأربعاء, سبتمبر 20, 2006 3:26:00 م, Blogger عمر said...

كل سنه وانتم طيبين وربنا يعود علينا وعليكم الايام بخير

 
At الأربعاء, سبتمبر 20, 2006 4:58:00 م, Blogger مـحـمـد مـفـيـد said...

تاج تستحقيه
واين انتي؟

 
At الأربعاء, سبتمبر 20, 2006 9:43:00 م, Blogger saso said...

سلا متك يا ارق مدرسة عربي
احنا مش كنا مبسوطين البوست اللي فات؟
:) مالك بس
دعاء اتكلمي لما تكوني زعلانة ماتسكتيش ان كان للبلوج دة 100 فايدة فاهمهم ان عندك صحاب بيزعلوا لما تزعلي ويفرحوا علشانك من غير مايشوفوكي
هاة البوست اللي جاي هترجعي تضحكي صح ؟

 
At الخميس, سبتمبر 21, 2006 1:06:00 ص, Blogger Carmen said...

تاج جميل قوى يا دعاء

ويمكن انا لسه جديدة فى متابعة مدونتك بس بجد لقيت انها مدونة جميلة جدا

وعلى فكرة انا اعرفك من ردودك فى بلوج متكاظى

وعموما يا دعاء ماتزعليش وماتضايقيش

وحاولى ماخليش الحزن يدخل قلبك لان مفيش حد يستاهل ولا حاجة تستاهل

واتمنى ان بوستك الجديد تكونى بتكتبيه وانتى فى مود حلو وسعيدة

 
At الخميس, سبتمبر 21, 2006 3:25:00 ص, Blogger مفلس افندى الرايق said...

ناويه تعملى ايه فى رمضان
كل سنه وانتى طيبه

تحياتى

 
At الخميس, سبتمبر 21, 2006 11:34:00 ص, Blogger دعاء غريب said...

سحر غريب:
الله يخليكي ياسحر
طبعا انت عارفة انت اية بالنسبة لي
منغير ما أقول
ويارب اللي يبكيني ما يبكيش
لانهم ما يهوتوش عليه
مش كلهم طبعا!

ـــــــــــــــــــــــــــ
الســـاحر :
ميرسي يافندم علي الكلام الحلو دة
بس في الحقيقة اني أكتشفت انها مش ميزة انك تبقي عقلاني وعاطفي في وقت واحد
ربنا مايوريك نار الحيرة

ــــــــــــــــــــــــــــــ
عمر :
وانت طيب وبالصحة والسلامة
منورني بزيارتك
أخبار رومانيا اية ؟

 
At الخميس, سبتمبر 21, 2006 11:35:00 ص, Blogger دعاء غريب said...

محمد مفيد :
أنا موجودة وعايشة الحمد لله
ومصبرني وجود ناس جميلة زي المدونين

ــــــــــــــــــــــــــــ
saso :
الليه يخليكي ياقمر
مدرسة العربي تعبت من كتر المكابرة والتعالي علي جروحها
ودعواتك ان ربنا يصلح الحال
واملأ البلوج ده بسمات
ميرسي علي سؤالك
بجد واللهي انا برتاح معاكم جدا ويمكن اللي مخليني مطلعش كل اللي جوايا ان في ناس بتدخل البلوج عرفاني شخصيا محبش ابان قدمهم ضعيفة
بفكر اعمل بلوج تاني باسم مستعار واطلع كل اللي جوايا يمكن ارتاح

 
At الخميس, سبتمبر 21, 2006 11:36:00 ص, Blogger دعاء غريب said...

Carmen :
أهلا بيكي للمرة الاولي عندي
انا كمان عرفتك من خلال كتابتك في بلوج متكاظي
وعجبتيني جدا
وبخصوص نصيحتك ليه ان مفيش حد يستاهل
بصراحة مش قادرة مزعلش لان اللي مزعلني يستاهل!

ــــــــــــــــــــ
مفلس أفندي الرايق :
وانت طيب يافندم
ناوية اعمل اية في رمضان .........
ناوية اتقرب لربنا أكتر
ناوية ابدأ حياه جديده يمكن أنا اكون مش حباها ومش متحمسه ليها لكن هطلب من ربنا يرضيني بيها
ناوية أكون معاكم من وراء الشاشه
ناوية اجتهد في شغلي شوية لان الوقت أزف
طبعا كل دة باذن الله

 
At الخميس, سبتمبر 21, 2006 5:06:00 م, Blogger مفلس افندى الرايق said...

ربنا ينور بصيرتك ديما ويقويكى على طاعته وربنا معاكى

وربنا يهديكى ويهدينا لكل خير

كل سنه وانتى طيبه

بس ليه من وراء الشاشه هو انت حاطه الكى بورد وراء الشاشه وبتكتبى وبتقعدى وراها ههههههههههه
طيب بتقرى التعليقات بتاعتنا ازاى بقى؟؟؟؟؟؟؟؟؟؟
هههههههههههه

تحياتى من امام الشاشه الى الاخت الساكنه فى دير النحاس لاتشربى الدواء وانتى وراء الشاشه

 

إرسال تعليق

Links to this post:

إنشاء رابط

<< Home

الحسابة بتحسب! Free Web Counter
كيف تنشىء مدونة تدوين .. عالم المدونات كلام مش بفلوس!